दमक। दमक नगरप्रमुख रामकुमार थापाको नाम जोडेर अफवाह फैलाइएको भन्दै दमकबासीले आक्रोश व्यक्त गरेका छन् ।

कर्मचारीले गरेको लज्जास्पद घटनामा कार्यपालिका सदस्यहरुद्वारा नगर प्रमुखको नाम जोड्दै विज्ञप्ति जारी गर्नु खेदपूर्ण रहेको भन्दै स्थानीयले गम्भीर आक्रोश व्यक्त गरेका हुन् ।

कुनै पनि अमुक घटनामा नगरप्रमुख जस्तो गरिमामय पदमा आसिन व्यक्तिको नाम जोडेर अफवाह फैलाउनु अत्यन्तै निन्दनीय र भत्सर्नायोग्य रहेको उनीहरुको ठहर छ।

दमक नगरपालिकाका तत्कालीन कार्यकारी अधिकृत डम्बरुप्र साद निरौलाले टिकटक लाईभमा देखा पर्दै एक युवती सँग अस्लिल हर्कत गरेको भिडियो भाइरल बनेको थियो ।

उक्त विषयमा कार्वाहीको प्रक्रिया समेत अगाडी बढिसकेको र उनको स्थानका नयाँ कार्यकारी अधिकृत समेत आइसकेको अवस्थामा दमक नगरकै गरिमा बोक्ने नगर प्रमुख पदकै अवमूल्यन हुनेगरि अनावश्यक बखेडा निकाल्नु दु:खद रहेको एक स्थानीयले बताए।

उनले उक्त घटनाको विषयमा छानबिन गर्न उपमेयरको अध्यक्षतामा छानबिन समिति समेत बनेको तर कुनै एक ठूलो भनिएको पार्टीको नगर समितिमा रहेर नगरपालिकामा कर्मचारीको रूपमा समेत रहेका एक कर्मचारीलाई जोगाउन यो सबै प्रपञ्च रचिएको भन्ने हल्ला बजारमा छ, त्यसैले यसमा संलग्न कार्यपालिका सदस्यहरुले अब आफूमा थोरै लाज बाँचेको भए सार्वजनिक रूपमा माफी माग्न पनि उनले आग्रह गरे ।

उनले अन्यथा दमक नगपालिकाको अस्मिता र गरिमा कायम राख्न स्थानीयहरू आफै ती कार्यपालिका सदस्यहरूलाई नंग्याउने समेत बताए।