दमक। झापाकाे दमक न. पा. वाड नं ८ निवासी पुर्व शिक्षक शारदा उपाध्याय खनालले एक कार्यक्रमका बिच अक्षयकाेषकाे स्थापना गरेका छन् । उनले आफु लामाे समयसम्म कार्यरत रही अबकाश प्राप्त भएकाे बिद्यालय सिहदेवी मा. वि. दमक -१० मा अक्षयकाेष स्थापना गरेका हुन् ।

उनले आफ्ना बुबा स्व. नरहरि खनाल र आमा पवित्रा खनालकाे नाममा पचास हजार रुपैयाँकाे अक्षयकाेष स्थापना गरेकाे र साे रकमकाे ब्याजबाट एसईईमा सर्बोत्कृष्ट अंक ल्याउने एक छात्र र एक छात्रालाई छात्रवृत्ति दिईने छ ।

कार्यक्रम बिद्यालय ब्यबस्थापन समितिका अध्यक्ष प्रेमप्रसाद न्याैपानेको अध्यक्षतामा भएकाे थियाे भने बिद्यालयका प्र.अ. हरिनारायण अधिकारी,पुर्व प्र.अ.हरु रुद्र सुवेदी, उमेश पराजुली शिक्षक धनश्याम अधिकारी र अम्बिका खनालले शुभकामना मन्तव्य राखेका थिए ।