साविक विजेता इटाली जर्मनीमा हुने युरोकप २०२४ का लागि छनोट भएको छ ।

सोमबार राति भएको खेलमा युक्रेनविरुद्ध गोलरहित बराबरी खेलेपछि इटालीले युरोकपमा स्थान पक्का गरेको हो ।

युक्रेनसँग समान १४ अंक जोडेको इटाली समूह सी को समूह उपविजेता बन्दै छनोट भएको हो । युक्रेनले भने अब प्लेअफ खेल्नु पर्ने भएको छ।

यसअघि घरेलु मैदानमा भएको खेलमा इटली २-१ ले विजयी भएकोले समान अंक भए पनि इटली हेड टु हेडका आधारमा छनोट भएको हो ।

यस समूहबाट ईङ्ल्याण्ड यसअघि नै समूह विजेता हुँदै छनोट भईसकेको छ।

विश्वकप २०१८ र २२ मा छनोट हुन असफल भएको इटलीले २०२१ मा युरोकपको उपाधि जितेको थियो ।