झापा। महाशिवरात्रीको अवसरमा झापाको दमकमा रक्तदान कार्यक्रम सम्पन्न भएको छ।

८९ औं महाशिवरात्रीको पावन अवसरमा ब्रह्माकुमारी राजयोग सेवा केन्द्र, समाज सेवा प्रभाग दमकले रक्तदान कार्यक्रमको आयोजना गरेको हो। सो कार्यक्रम दमक-५ स्थित आफ्नै कार्यालयमा आयोजना गरेको थियो । उक्त रक्तदान कार्यक्रममा ७६ जनाले रक्तदान गरेका थिए। जसमा ४४ जना महिला रहेका थिए।

कार्यक्रममा सम्बोधन गर्दै कार्यक्रमकी सभाध्यक्ष ब्रह्माकुमारी राजयोग सेवा केन्द्र दमककी प्रमुख संचालिका तथा समाज सेवा प्रभागकी क्षेत्रीय संयोजक ब्रह्माकुमारी राधा दिदीले संस्थाको उद्देश्य समाज सेवा र मानव हित रहेको बताउनुभएको थियो।

कार्यक्रममा १२० पटक रक्तदान गरेका समाजसेवी राजकुमार श्रेष्ठलाई सम्मान गरिएको थियो।

दमक रेडक्रस सोसाइटी उप-शाखाको सहयोगमा सम्पन्न कार्यक्रममा समाज सेवा प्रभाग कोशी प्रदेशकी सल्लाहकार इन्दु सिग्देल, नेपाल रेडक्रस सोसाइटी उप-शाखा दमकका अध्यक्ष प्रकाश बुढाथोकी लगायतको उपस्थिति रहेको थियो।