दमक। साहित्य कला सङ्गमको एकाउन्नौ रचना वाचन र महानन्द जयन्ती साहित्य कला सङ्गम दमकले एक कार्यक्रमका बिच सिर्जनशिल रचना वाचन कार्यक्रमको एकाउन्नौ सृङ्खला सम्पन्न गरेको छ ।

साथै उक्त कार्यक्रममा भाषाशास्त्रि महानन्द सापकोटाको एकसय तिसौ जन्म जयन्ती पनि मनाएको छ ।साहित्य कला सङ्गमको आफ्नै कार्यलयमा भएको उक्त रचना वाचन कार्यक्रममा दुई दर्जन भन्दा बडी साहित्यकारहरुले रचना वाचन गरेका थिए । रचना वाचन गर्नेहरुमा साहित्य कला सङ्ग,दमकका अध्यक्ष विष्णु न्यौपाने ,उपाध्यक्षहरु यादवप्रसाद अधिकारी र दुर्गा काफ्ले, कोषाध्यक्ष ओमप्रसाद खनाल, साहित्यकारहरु अम्बिका प्रसाद सापकोटा , बिरेन्द्र खडका, डा. लेखनाथ न्यौपाने, राम कुमार उपाध्याय, बिवेक दुलाल क्षेत्री, गोपाल दहाल, भगवती दवाडी, किशोर खनाल, पदमप्रसाद ओली, टंक पाठक, नारायण शर्मा फुयल, शान्त प्रसाद भट्टराई,खड्ग बहादुर खड्का, यादवप्रसाद नेपाल रहेका छन ।

साहित्यकला सङ्गमका पुर्व अध्यक्ष नरपति पाण्डेको प्रमुख आतिथ्यतामा भएको उक्त कार्यक्रममा प्रतिभा निकेतनका अध्यक्ष कमल प्रसाद भट्टराई,साहित्यकारहरु जीवन हरि शर्मा,जयनारायण भट्टराई, देवी प्रसाद गौतमको बिशिष्ठ आतिथ्यता रहेको थियो ।कार्यक्रममा सङगमका उपाध्यक्ष यादवप्रसाद अधिकारी झाक्रिखोले र साहित्यकार अम्बिकाप्रसाद सापकोटाले भाषाशास्त्रि महानन्द सापकोटाको बारेमा चर्चा गरेका थिए ।साथै प्रमुख अतिथि, बिशिष्ट अतिथिहरुले समेत महान्द सापकोटाको बारेमा चर्चा गर्नुका साथै रचना वाचन गरेका थिए ।

कार्यक्रम साहित्य कला सङ्गमका अध्यक्ष विष्णु न्यौपानेको अध्यक्षतामा भएको थियो भने कार्यक्रमको सञ्चालन सङ्गमका कार्य समिति सदस्य बिरेन्द्र खड्काले गरेका थिए ।