झापा । आजबाट होटल तथा रेष्टुरेन्टहरु खुलेका छन्। कोरोना संक्रमणबाट मुलुकलाई अस्तव्यस्त हुनबाट जोगाउन लागाइएको निषेधाज्ञा खुकुलो बनाएसँगै लामो समयदेखि बन्द रहेका होटल तथा रेष्टुरेन्ट खुलेका हुन् ।

होटल तथा रेष्टुरेन्ट खुलेसँगै मानिसहरुको चहलपहल पनि बढेको छ । हिजो झापाका प्रमुख जिल्ला अधिकारी श्रमणकुमार तिमिल्सिनाले जारी गरेको आदेशमा होटल तथा रेष्टुरेन्टहरु साँझ ५ बजे सम्म संचालन गर्न पाईने उल्लेख गरिएको छ। लामो समयदेखि होटल तथा रेष्टुरेन्ट संचालन गर्न नपाउँदा व्यवसायीहरु मारमा परेका छन् ।