झापा एमालेका नेता ज्ञानुराम प्रसाईको सवारी दुर्घटनामा परि निधन भएको छ । उनको आज चारआली–चन्द्रगढी सडक खण्डमा दुर्घटनामा परि निधन भएको जिल्ला ट्राफिक प्रहरी कार्यालय झापाले जनाएको छ ।

प्रसाई बिर्तामोडबाटआफै बा १६ च ८१८२ नं। को कार चलाएर चन्द्रगढी तर्फ जाँदै गर्दा देवकोटा चोकस्थित देवकोटाको शालिक कम्पाउण्डको वालमा ठोक्किएर दुर्घटनामा परेको जनाईएको छ ।

सदरमुकाम चन्द्रगढी जाँदै गर्दा उनी सवार कार बिहान ११ः४० बजे भद्रपुर–९ स्थित चारआली–चन्द्रगढी सडकखण्डको देवकोटाचोकमा दुर्घटनामा परेको ट्राफिक प्रहरी कार्यालय झापाले जनाएको छ ।

उनको मेची अञ्चल अस्पतलमा उपचारको क्रममा निधन भएको हो । प्रसाई बिर्तामोड नगरपालिकाकी उपप्रमुख पवित्रा महतरा प्रसाईको श्रीमान हुन् ।