काठमाडौं । फुटको नजिक पुगेको नेकपा एमाले अब भने नफुट्ने लगभग पक्का भएको छ । नेकपा एमालेमा अध्यक्ष केपी शर्मा ओली र वरिष्ठ नेता माधवकुमार नेपाल पक्ष सम्मिलित कार्यदलबीच १० बुँदे सहमति भएसँगै पार्टी फुट अहिलेलाई टरेको छ । यो सहमतिलाई भोलि बोलाइएको स्थायी कमिटीको बैठकबाट अनुमोदन गर्ने नेताहरुले बताएका छन् ।

दुबै पक्षका नेताहरु रहेको कार्यदलले सर्वोच्च अदालतमा विचाराधीन प्रतिनिधिसभा विघटनसम्बन्धी मुद्दा र सरकारबारे पार्टी एकताको मर्म र भावनाका आधारमा विधिसम्मत एवं संस्थागत निर्णय अनुसार अगाडि बढ्ने सहमति समेत गरेको छ । यसले पार्टी कार्यकर्तामा खुशियाली छाएको छ भने प्रचण्डको एमाले फुटाउने र देउवाको माधव पक्षको सहयोगमा प्रधानमन्त्री बन्ने सपना अधुरै रहने भएको छ ।