दमक।   दमक उद्योग बाणिज्य संघले संघका सदस्य स्वर्गीय दिपक शाहको परिवारलाई एक लाख प्रदान गरेको छ । दिपक सब्जी पसल संचालन गर्दै आएका दिपकको गत २३ गते दुर्घटनामा परि मृत्यु भएको थियो ।

मृतकको परिवारजन प्रति समबेदना ब्यक्त गर्दै उद्योग बाणिज्य संघबाट संचालित व्यवसायीक हितकोषमा आबद्ध भएका कारण उनको परिवारलाई सो रकम प्रदान गरिएको उद्योग बाणिज्य संघका प्रथम उपाध्यक्ष राजु खड्काले जानकारी दिनुभयो । साथै खड्काले व्यवसाय दर्ता नविकराण गर्न पनि सबै व्यवसायीहरुमा अनुरोध गर्नु भएको छ ।

हितकोष बापतको रकम हस्तान्तरणका क्रममा बाणिज्य संघका अध्यक्ष गोकुल श्रेष्ठ, पूर्व अध्यक्ष प्रकास प्रसाई, बरिष्ठ उपाध्यक्ष गोपाल गुराँगाई, प्रथम उपाध्यक्ष राजु खड्का, द्धितीय उपाध्यक्ष राजकुमार योङ्गया, तरकारी तथा फलफूल व्यवसायी संघका अध्यक्ष कुमार श्रेष्ठ,  व्यवसायी पशुपति अधिकारी लगायतको उपस्थिति रहेको थियो ।