झापा ।  झापाको दमक नगरपालिका -४ स्थित पुर्व-पश्चिम राजमार्गमा ट्रकको ठक्करबाट मोटरसाईकलमा सवार दुई जनाको मृत्यु भएको छ ।

मृत्यु हुनेमा मोटरसाईकल चालक झापा कन्काई नगरपालिका-३ का ४३ बर्षीय पुर्ण बहादुर बिष्ट र पछाडी सवार निजकै श्रीमती ३६ बर्षीया भिमा बिष्ट रहेका छन् । हिजो राती सबाँ १० बजे पश्चिम तर्फ आउँदै गरेको ना ४ ख ८७३० नम्बरको ट्रकले बिपतरित दिशाबाट आईरहेको प्रदेश २-०३-०१३ प ४७८७ नम्बरको मोटरसाईकललाई ठक्कर दिंदा गम्भिर घाईते भएका उनिहरुको उपचारको लागी दमकको लाईफ लाईन अस्पतालमा पुर्‍याउना साथ मृत्यु भएको प्रहरीले जनाएको छ।

दुर्घटना गराई फरार भएको सो ट्रक र ट्रक चालक मोरङ विराटनगर- ४ बस्ने ४८ बर्षीय सुजन थापालाई अस्थाई प्रहरी पोष्ट ताराबारीले नियन्त्रणमा लिएको थियो । नियन्त्रणमा लिएको ट्रक र चालकलाई ईलाका प्रहरी कार्यालय दमकमा ल्याई थप अनुसन्धान भईरहेको प्रहरीले जनाएको छ ।